Suada Ni Parsuadaan

Salosem  marwudhuk azan pe inda na malo

Tai giot pangidoan tu na maha kuaso

Anso ulang maoto sanga hona paoto-oto

Rosoki nadenggan totop ro

Mulak sianggian sian pandaramanna

Tontu bahat silua di obansa

Tarpikir tu simatobang na

Hape lain muse do caritona

Utang di jakarta di udana

Tarpagonop dua pulu juta

Warungpe madung bangkrut jadina

Inda jadi na marrumah tangga anna

Ning ia muse tu boru ni tulang na

Naso por do rohamu di kampung usaho na

Madung igadis ma kobun dohot saba

Modal ni usaho na tu jakarta

Giot mulak di ari rayo mar"avanza"

Tai rupa mulak manompang als doma

Marsuo dohot dongan ro songon namaila

Muda taringot si japekok

Muloi ma ia manyuan jelok

Muda mamorsan ama na dok-dok

Ari-ari idoit limatok

Unjung muse di doit ulok

Mangguris sapoken saember de inda na gok

Tai sannasi maringgas inda be malosok-losok

Pangkuling na mur ma lambok

Sannari si japekok madung martamba lidang

Ari poken martamba sonang

Biarpe ia inda dohot martombang

Inda unjung be tarutang-utang

Dapotan boru alak nalidang

Ringgar sholat ato sumbayang

Hormat tu na tobang

Torang pamikir boti riang

Madung pajongjong bagas di dalan lidang

Toko na sian toru, inganan sian ginjang

Jadi anggota dewan "partai parsuadaan"

Daerah pemilihan"kampung sejahtera desa na sonang".

Kotanopan ari ahad lima bolas januari dua ribu dua bolas